كەیسی كوشتنی ژنان لە كوردستان

ئەوەی جێگەی سەرنجە روودانی ئەو كێشە ترسناكانەیە كە لە بواری پێشێلكردنی مافەكانی ژناندا لە ماوەی رابردوو لە كوردستاندا روویاندا، دیاردەكە تا دێت لە برەو سەندندایە ئەمەش مەترسییەكی گەورەیە دۆخی كۆمەڵایەتی دانیشتووانی هەرێمی كوردستان .
ئەوەی جێگەی سەرنجە هۆكاری سەرەكی تەشەنەكردنی ئەم دیاردەیە نەبوونی یاسای تەواوو تۆكمەیە كە تەواوی دامەزراوە پەیوەستدارەكان مامەڵەی پێی بكەن، هاوكات زاڵبوونی رۆژ لەدوای رۆژی گیانی عەشایەرگەری لە تەواوی ناوچەكانی كوردستان لەم نێوەندەشدا پارتە فەرمانڕەواكانی كوردستان رۆڵێكی نەرێنییان هەیە تەشەنەكردنی ئەم دیاردانە .
پەكخستنی رۆڵی دادوەری گشتی‌و لاوازی رۆڵی دادگاكان‌و سەربەخۆ نەبوونیان یەكێكە لە گەورەترین هۆكارەكانی پەرەسەندنی ئەم دیاردانە، لەبەرامبەردا گەشەكردنی گیانی عەشایەری لە ئاوەزی تاكی كوردی لە تەواوی ناوچەكانی كوردستاندا هێندەی تر رۆڵی دادگاكانی لاواز كردووە .
ئەوەی جێگەی تێڕامانە ئیرادەیەكی حكومی نییە بۆ  رێگریكردن لە پەرەسەندنی دیاردەی كوشتنی ژنان هاوكات كاراكردنی هەندێك یاسا كە زەرەری لە قازانجی فرەترە (لەوانە یاسای قەدەغە كردنی فرە ژنی) كە زیانی لە قازانجی زیاترەو، رێگە خۆشكەرە بۆ بەرزبوونەوەی رێژەی لادانەكان‌و دەرئەنجام روودانی مەرگەساتی وەك ئەوانەی لە گەرمیاندا روویاندا .. بۆ خۆی ئەم یاسایە بایی ئەوەیە پێداچوونەوەی بۆ بكرێت‌و مشتومڕ لەبارەیە بكرێت تا ببێتە مایەی رێگری لە لادانەكان‌و دەرئەنجام رێگری كردن لە تاوان . 
لایەنێكی تر ئەم كێشەیە نەبوونی دامەزراوەی پسپۆڕی دابیننەكردنی بودجەی تەواوە بۆ پرۆژە پسپۆڕییەكانی تایبەت بە بوارە جیاجیاكانی مافەكان، تەنانەت وەزارەتی پلاندانان وەزارەتێكە لە كاغەزو لەگەڵ تەواوی بەشەكانی پلاندانان لە وەزارەتەكان تا رۆژگاری ئەمڕۆ سەد پلانیان لە بوارە جیاجیاكانی گوزەرانی خەڵكی كوردستان داڕشتبێت . كەواتا تەواوی كێشە كۆمەڵایەتییەكانی كوردەواری كێشەی زنجیرەیین‌و لایەنێك بە تەنها بەرپرس نییە لێی بگرە پەرلەمان‌و حكومەت‌و پارتە سیاسییەكان بەرپرسن لە ئاستیدا .